盲聾互補 「猛龍」毅行

【本報訊】「失明人士睇唔到懸崖同崎嶇山路,毅行嗰時會少啲心理負擔,但我哋同常人一樣都怕鬼,哈哈!」失明者莫儉榮多年以風趣豁達面對人生、藉參加運動宣揚積極訊息,下月將首度挑戰「樂施毅行者」,夥同其他視障、聽障人士以行動實踐共同的座右銘,「失視力不等於失去視野,失聽力不等於失去毅力」。

「猛龍隊」將出戰樂施毅行者,宣揚積極人生的訊息。(羅錦鴻攝)

健全人士擔任隊長開路

眾人取「盲」及「聾」諧音,組成「猛龍隊」出戰毅行者,並由健全人士帶領。莫儉榮坦言三方同行不易但甘之如飴,「要花時間磨合,山路嘅引水道多坑、地上尖石又難避,靠佢哋提點;我地又創出『拖拉機、推土機戰術』,有姿勢有實際」。莫笑指,會以「三文治」方式前進,由健全人士任隊長開路,視障者夾在中間,聽障者則推他們前行,戰術便利上斜時保持速度,相信互相支持及補不足是完成比賽的關鍵。

同樣首次參加的聽障隊員吳立康少時於足球比賽中後腦落地,慘由弱聽變成近乎完全失聰,以為運動生涯結束,卻成功慢慢再爬起,「我同自己講要有耐性,依家慢跑會頭痛,反而跑得快無事」,他早前亦到保加利亞參加為聾人而設的保齡球賽,百多隊中位列頭三十。